កម្ពុជាព្រមានថៃ «កុំបំពានបន្ទាត់ក្រហម» ខណៈដែលថៃដោះមីន ឈូសព្រៃ ធ្វើផ្លូវមកកាន់តំបន់ជម្លោះ

ប្រទេសកម្ពុជា តាមរយៈនាយករដ្ឋមន្ត្រី ហ៊ុន ម៉ាណែត និងក្រសួងការបរទេស បានលើកឡើងថា តំបន់ ឬទីកន្លែង ដែលមានវិវាទ ឬមិនទាន់ដាច់ស្រេចថា ស្ថិតក្នុងដែនអធិបតេយ្យរបស់ប្រទេសណាមួយ គឺគ្មានភាគីណា មានសិទ្ធិធ្វើសកម្មភាព ឬដាក់ចេញនូវវិធានការជាឯកតោភាគីនៅក្នុងតំបន់ ឬទីកន្លែងនោះឡើយ។ រាល់វិធានការនានា ដែលអាចអនុវត្ត ត្រូវមានការឯកភាពគ្នារវាងភាគីទាំងពីរជាមុនសិន។